Albania

Fotogaleri- Java e vaksinimit, studentët po i bashkohen çdo ditë e më shumë këtij procesi

TIRANË, 11 tetor/ATSH/ Studentët në të gjithë vendin po i bashkohen gjithnjë e më shumë procesit të vaksinimit antikovid.

Në qendrat e vaksinimit pranë fakulteteve, në kuadër të “Javës së vaksinimit masiv të studentëve”, janë paraqitur një numër i lartë studentësh për të kryer vaksinën.

Ekipet e vaksinatorëve gjatë kësaj jave do të jenë në të gjitha universitetet e vendit për të pritur studentët që të vaksinohen.

Për shkak të numrit të ulët të studentëve të vaksinuar, viti i ri akademik u shty me një javë për të nisur më 18 tetor, me sa më shumë studentë që kanë kryer vaksinën antikovid.

Ditën e sotme ekipet e vaksinatorëve janë të vendosur në Fakultetin e Stomatologjisë, Universitetin e Sporteve dhe atë të Arteve në Tiranë, në Godinën e Rektoratit dhe tek Fakulteti i Shkencave të Natyrës në Shkodër, tek Godina e Rektoratit dhe tek Fakulteti i Shkencave Humane në Vlorë, në hollin e Universitetit “Eqerem Çabej” në Gjirokastër, pika pranë Universitetit “Aleksandër Moisiu” në Durrës, Fakulteti i Mjekësisë dhe Infermierisë në Korçë, Korpusi kryesor i Universitetit dhe Fakulteti Shkencave Teknike Mjekësore në Elbasan.

Ministrja e Arsimit dhe Sportit, Evis Kushi i bëri thirrje studentëve të pavaksinuar që përgjatë kësaj jave të paraqiten në qendrat e vaksinimit pranë fakulteteve të tyre.

“Për interesin e përbashkët të rikthimit në normalitet, por edhe për të ndihmuar në fillimin e një viti të mbarë akademik”, tha Kushi.

Ministrja Kushi u shpreh se “në të gjithë vendin ka filluar “Java e vaksinimit masiv të studentëve”, të cilët po i bashkohen çdo ditë e më shumë këtij procesi”.

Vaksinimi i studentëve pranë fakulteteve do të vijojë gjatë gjithë javës në të gjitha qytetet universitare në vend sipas një kalendari tashmë të përcaktuar.

/k.s/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Football news:

Ruediger is in talks with Man City, PSG, Juventus and Tottenham
Manchester United's chaotic pressure failed. And Firmino is the main hero of the defeat from those who are not called Mo Salah
Bergomi about the draw in the Inter - Juventus match: With Lukaku, Inter would have won 3-0
Klopp won the 200th match in charge of Liverpool - the fastest in the history of the club
Messi received 4 points from L'Equipe for the match with Marseille, Neymar - 3
Frankie de Jong aggravated an injury to the back of his thigh in the match with Real Madrid. He may miss the games with Rayo and Alaves
Scholes on Pogba: I don't think Manchester United will lose anything if he doesn't play anymore. Paul has caused complete chaos in recent years