Albania
This article was added by the user Anna. TheWorldNews is not responsible for the content of the platform.

Gold Ag rrëfen amanetin që ia kishte lënë Buqja para se të vdiste

Regjisorja Burbuqe Berisha, sot ka ndërruar jetë.

Sot vdiq në moshën 51-vjeçare regjisorja Burbuqe Berisha, e cila dyshohet se pësoi sulm në zemër në vendin e saj të punës.

Figura të njohura kanë reaguar të trishtuar me lajmin tragjik të ditës së sotme, shkruan Gazeta Online Reporteri.net.

Këngëtari Gold Ag ka zbuluar amanetin që regjisorja i kishte lënë në takimin e fundit të tyre.

“Herën e fundit kur u pamë në fakultet më the: Më ka porosit një djalë i ri me të pa, ishte i sëmurë në spital e shumë po të dojke. Të thashë kur të duash profesoreshë. Por caktimi i Zotit paska qenë që ti sot të ndahesh nga kjo botë kalimtare. Do të mundohem ta gjejë atë djalë e ta çoj amanetin në vend. Zoti të mëshiroftë Buqe”, ka thënë ai.
Burbuqe Berisha, për një vit e gjysmë ka punuar si menaxhere në Kino ABC në Prishtinë, për katër vite si producentë në Kosova -Film, po ashtu për katër vite me radhë si drejtoreshë e Përgjithshme e Teatrit Kombëtar të Kosovës dhe anëtare e Këshillit Drejtues të QKK-së, si dhe të Ansamblit “Shota” ne vitin 2017 kryetarë e këshillit drejtues te TKK .

Në shumë festivale filmash ka qenë anëtare e jurive profesionale me karakter ndërkombëtar dhe është aktiviste e shume kampanjave bamirës