Albania

Ibrahimaj: Rritja ekonomike për 2021 parashikohet rreth 7.6%

TIRANË, 12 tetor/ATSH/ Ministrja e Financave dhe Ekonomisë, Delina Ibrahimaj deklaroi sot se rritja ekonomike për vitin 2021 parashikohet rreth 7.6%.

Në konferencën e përbashkët me Shefen e Misionit të FMN-së, Yan Sun dhe Guvernatorin e Bankës së Shqipërisë, Gent Sejko, në përfundim të misionit të radhës mbikëqyrës, në kuadrin e Artikullit Katër të marrëveshjes, Ibrahimaj tha se ekonomia shqiptare pas dy goditjeve të njëpasnjëshme, tërmetit dhe pandemisë, jo vetëm që i është rikthyer normalitetit, por të gjithë treguesit sinjalizojnë për perspektivë pozitive në vijim.

Ministrja u shpreh se për këtë vit pritet që rritja vjetore të rezultojë në nivele mjaft pozitive, madje konsiderueshëm mbi nivelin e parashikimit fillestar prej rreth 5.5%.

“Momentalisht ne parashikojmë një rritje prej rreth 7.6% për këtë vit. Ndërsa për periudhën afatmesme parashikojmë që ajo të stabilizohet rreth nivelit 4%. Ne parashikojmë se një rritje e tillë në periudhën afatmesme do të gjenerohet kryesisht nga kërkesa e brendshme, si nga konsumi privat ashtu edhe nga investimet”, deklaroi Ibrahimaj.

Ibrahimaj theksoi në fjalën e saj se vendi vitin e kaluar kaloi një prej recesioneve më të ashpra në dekada. Por shtoi ajo, fondamentet kryesore ekonomike dhe financiare, si dhe stabiliteti i përgjithshëm makroekonomik i vendit i ka rezistuar relativisht mirë goditjeve.

“Tkurrja e PBB -së për shkak të pandemisë arriti kulmin në tremujorin e dytë të 2020-ës në rreth -11% dhe tremujori i fundit u rikthye përsëri në terren pozitiv. Ndërsa i gjithë viti 2020 regjistroi një recension prej minus -4%”, tha ministrja.

Ministrja u shpreh se u ndoq një politikë fiskale ekspansioniste vitin e kaluar për të akomoduar nevojat e lidhura me pandeminë në aspektin shëndetësor dhe për të zbutur deri diku goditjen në përgjithësi në ekonomi, përmes paketave fiskale të drejtpërdrejta për biznesin, kryesisht për pagesën e rrogave të punonjësve gjatë muajve të bllokimit, si dhe përmes stimulit indirekt.

“Në vitin 2020, deficiti i përgjithshëm fiskal ishte rreth 7% e PBB-së nga një mesatare prej rreth 2% në tre vitet e mëparshme dhe borxhi publik u rrit në rreth 76% të PBB-së, pra me rreth 10 pikë përqindje nga fundi i vitit 2019. Përkeqësimi i këtyre parametrave të financave publike gjatë vitit të shkuar ishte goxha i fortë, por nga ana tjetër, kjo politikë fiskalë ekspansioniste ishte jo vetëm e pashmangshme, por edhe krejtësisht e nevojshme dhe adekuate me qëllim shmangien e pasojave të tjera shumë më të rënda dhe me efekte negative zinxhir në ekonominë e vendit”, u shpreh Ibrahimaj.

Duke folur për politikën fiskale që do të ndiqet nga qeveria në afat të mesëm, Ibrahimaj tha se politika fiskale në afatin e mesëm dhe të afatin e gjatë do të vijojë të ketë si objektiv primar të saj konsolidimin fiskal.

Ministrja në fjalën e saj garantoi reduktimin e borxhit publik përgjatë mandatit të tretë të kësaj mazhorance.

“Mund të deklaroj me bindje të plotë që sot, se edhe përgjatë këtij mandati qeverisës borxhi publik në raport me Produktin e Brendshëm Bruto do vijojë të reduktohet gradualisht vit pas viti dhe balanca primare do rikthehet në nivel të balancuar (pra të pakën zero ose pozitive) që nga viti 2024 e në vijim, pra në përputhje të plotë me rregullat fiskale ekzistues”, tha ajo.

Sa i takon risqeve për të ardhmen afatmesme, ministrja Ibrahimaj tha se perspektiva afat-mesme e ekonomisë, sipas skenarit bazë mbetet përgjithësisht inkurajuese dhe vlerësohet se ka mundësi të mira për t’u materializuar përgjithësisht në linjë më këtë skenar bazë. /a.a/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Football news:

And to show what a donkey kick is in football? 50 Years ago in England they scored the best goal of the season
Sulscher on Ferguson's words about Ronaldo: We all want to see Cristiano on the pitch because of his uniqueness. But he can't play in every match
Pep on the requirement to stay on top: People judge me not by trophies, but by what will happen tomorrow
Joan Laporta: The Super League is alive, it will replace the Champions League. Juve, Real Madrid and Barcelona continue to win in the courts
Karim Benzema: Clasico remains the best match in football. It doesn't matter which players are playing
In favor of PSG, after the VAR, they awarded a penalty for playing with their hand. Perhaps Icardi had fouled before
Arsenal defender White: I don't watch football. All I want when I come home is not to think about him