TIRANË, 9 tetor/ATSH/ Kryeministri Edi Rama përcolli sot pamje nga kalaja e rilindur e Tepelenës dhe rrethinave.

“Mirëmëngjes dhe dhe me kalanë e rilindur të Tepelenës dhe hapësirave përreth saj, ju uroj një fundjavë të mbarë”, u shpreh Rama.

Kalaja e Tepelenës doli nga rrethimi absurd i ngrehinave pa leje, ferrave e plehrave përreth murit, si edhe u çlirua nga brenda prej gardheve e mureve, sustave për t’u kthyer në një destinacion turistik, ku godinat që nuk u prishën do të integrohen në një projekt banesash karakteristike, të cilat do t’u sjellin banorëve të kalasë të ardhura, si bujtina apo dyqane të vogla artizanati e produktesh të zonës.

Kalaja ndodhet në veri të qytetit në një pozicion gjeografik që ndihmonte në mbrojtjen e kalasë. Kalaja aktuale u rindërtua më 1819 me një sipėrfaqe 4-5 ha me tre hyrje dhe 3 kulla.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.