TIRANË 6 dhjetor /ATSH-I.Vata/ Autoriteti Rrugor Shqiptar bën të ditur se pavarësisht reshjeve të shumta orët e fundit të gjitha akset rrugore janë të kalueshme normalisht.

ARRSH njofton se, gjatë natës dhe në orët e para të mëngjesit ka pasur reshje me intensitet mesatar, por pa penguar qarkullimin në akset nacionale.

“Kontraktorët kanë bërë pastrimin nga rënia e gurëve apo inerteve në trup të rrugës dhe janë në terren gati për çdo situatë”, theksohet në njoftim.

ARRSH bën apel për përdoruesit e mjeteve të bëjnë kujdes në lëvizje, të respektojnë sinjalistikën rrugore dhe të reduktojnë shpejtësinë për shkak të lagështirës.

/a.a/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.