Albania
This article was added by the user Anna. TheWorldNews is not responsible for the content of the platform.

Mourinho e bën edhe këtë gjest: Ha darkë në shkallët e stadiumit pas fitores së Romës kundër Cagliarit

Mourinho ha darkë në shkallët e stadiumit pas fitores së Romës kundër Cagliarit.

Trajneri portugez, Jose Mourinho, pas fitores 1-2 ndaj Cagliarit, ka ndarë një fotografi në llogarinë e tij në Instagram, ku shihet duke darkuar në shkallët e stadiumit.

I pezulluar kundër Napolit, Mou komenton: “Loja mbaroi… 3 pikë … Ushqim i mirë (nuk mund të shkoj në dhomat e zhveshjes) dhe një fëmijë tjetër”, tha ai duke iu referuar futbollistit të akademisë, i cili debutoi dje me ekipin e parë.

Rikthimi në Cagliari duket se i qetësoi pak ujërat trajnerit , i cili donte të vinte humor në një javë shumë të vështirë në klub. Humbja poshtëruese e Romës ndaj Bodo Glimt, në të cilën portugezi pësoi humbjen më të madhe në karrierë, ka lënë pasoja për klubin e kryeqytetit italian.

Gonzalo Villar, Borja Mayoral, Reynolds, Diawara dhe Kumbulla janë të “dënuarit” e trajnerit portugez pas katastrofës , të cilët i ka lënë jashtë në dy ndeshjet e fundit.