Albania
This article was added by the user Anna. TheWorldNews is not responsible for the content of the platform.

Nga ankthi te problemet e privatësisë, dhjetëra efektet negative të medias sociale

SIDNEJ, 22 tetor /ATSH-ANSA/ – Janë rreth 50 efekte negative që lidhen me përdorimin e medias sociale dhe jo të gjitha lidhen vetëm me shëndetin mendor, sipas një kërkimi australian, nga Universiteti i Teknologjisë Sydney, i botuar në ”Journal of Global Information Management”.

Për studimin, ekipi analizoi më shumë se 50 artikuj kërkimorë të botuar midis 2003 dhe 2018.

Studiuesit raportojnë se janë 46 efekte të dëmshme që lidhen me përdorimin e faqeve të tilla si Facebook, Twitter dhe Instagram.

Këto përfshijnë ankthin, depresionin, ngacmimin, nxitjen e vetëvrasjes, sulmin në internet, delikuencën, xhelozinë, mbingarkimin e informacionit dhe mungesën e sigurisë në internet.

Por, edhe shkelja e privatësisë, mashtrimi, konflikti me të tjerët dhe një prirje më e madhe për të marrë rreziqe financiare.

Në përgjithësi, çështjet që lidhen me përdorimin e medias sociale variojnë nga çështjet e shëndetit fizik dhe mendor deri te ndikimet negative në punën dhe performancën akademike, si dhe çështjet e sigurisë dhe privatësisë.

Studiuesit aktualisht po studiojnë faktorët që ndikojnë në varësinë e medias sociale dhe strategjitë që njerëzit përdorin për të rregulluar sjelljen e tyre.

Hapi tjetër do të jetë përpjekja për të zhvilluar dhe testuar aplikacione, veçori të projektimit dhe zgjidhje të tjera që mund të zvogëlojnë efektet negative./  /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.