Albania
This article was added by the user . TheWorldNews is not responsible for the content of the platform.

OBSH: Nuk ka ende asnjë viktimë të shkaktuar nga varianti “Omicron”

Organizata Botërore e Shëndetësisë ka deklaruar ditën e sotme se nuk ka parë asnjë raportim të vdekjeve në lidhje me variantin e ri Omicron të Covid-19.

Sipas Indian Express, OBSH pretendon se po mblidhen prova në lidhje me variantin, ndërsa vendet në mbarë botën përpiqen të ndalojnë përhapjen e tij.

Por pavarësisht një numri në rritje të vendeve që regjistrojnë infeksione me variantin e ri, asnjë vdekje nuk është raportuar ende në agjencinë shëndetësore të OKB-së.

“Unë nuk kam parë ende raporte të vdekjeve të lidhura me Omicron. Ne po mbledhim të gjitha provat dhe do të gjejmë shumë më tepër prova ndërsa vazhdojmë”, u tha gazetarëve në Gjenevë zëdhënësi i OBSH-së, Christian Lindmeier.

Ndërsa mutacioni Omicron ka tronditur botën, Lindmeier gjithashtu u bëri thirrje njerëzve që të jenë të vetëdijshëm për variantin Delta, i cili përbën 99.8 përqind të sekuencave të ngarkuara në iniciativën globale të shkencës GISAID me ekzemplarë të mbledhur në 60 ditët e fundit.

“Omicron mund të jetë në rritje dhe mund të arrijmë në një pikë që të marrë përsipër të jetë varianti dominues, por në këtë pikë varianti shumë dominues mbetet Delta”, theksoi ai.

Zëdhënësi u kërkoi njerëzve të zbatojnë masat kundër Delta dhe në këtë mënyrë kundër Omicron.

OBSH ka thënë se do të duhen disa javë për të marrë një pamje të plotë të transmetueshmërisë dhe ashpërsisë së sëmundjes së Omicron, dhe për të vlerësuar se si vaksinat, testet dhe trajtimet qëndrojnë kundër variantit të ri.

Ndërsa Omicron përhapet, pjesë informacioni po shfaqen nga vende të ndryshme.

j.l./ dita