TIRANË 25 tetor /ATSH-I.Vata/ Nënkryetare e Komisionit të Integrimit, Etilda Gjonaj, ka zhvilluar sot një takim me Ambasadorin e Republikës Federale të Gjermanisë në Shqipëri, Peter Zingraf.

Në fokus të takimit, ishte reforma në drejtësi dhe integrimi i Shqipërisë në Bashkimin Evropian.

Gjonaj, thekson se Gjermania mbështet Shqipërinë në reformën në drejtësi dhe integrimin evropian.

“Gjatë takimit, pasi shpreha falenderimet dhe mirënjohjen ambasadorit gjerman për bashkëpunimin, ndihmesën dhe mbështetjen e vazhdueshme të shtetit gjerman për sistemin e drejtësisë, diskutuam në veçanti mbi bashkëpunimin në kuadër të veprimtarisë së Komisionit të Integrimit për përballjen e sfidave që na presin në rrugën drejt integrimit evropian”, shprehet ajo. /a.a/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.