Albania
This article was added by the user Anna. TheWorldNews is not responsible for the content of the platform.

Shkaqet e zjarrit në parkun e qytetit, të paqarta

Po pastrohen mbetjet nga zjarri që dje kaploi barakat afër Parkut të Qytetit. Zjarri deri në themele e shkrumboi objektin e përkohshëm në të cilin deri para disa viteve ishte vendosur Gjykata për kundërvajtje. Mbetjet nga zjarri nuk i grumbullojnë shërbimet e komunës dhe Qytetit, por qytetarë që grumbullojnë hekurishte të vjetra dhe që e shesin nëpër depo. Me furgonë dhe karroca ngarkohen radiatorët e djegur dhe mbetje tjera metali që mund të shiten.

– Advertisements –

YouTube video

Kryetari i Komunës Qendër, Sasha Bogdanoviq, mohoi informacionet se në vendin e shkrumbuar është dashur të ndërtohen objekte. Sipas planit ekzistues, aty ishte planifikuar të ndërtohej një shkollë.

 “Vlejnë planet ekzistuese gjegjësisht të fundit që janë miratuar, derisa të miratohet plan i ri. Edhe atëherë dhe tani është i vlefshëm plani ekzistues, i cili është miratuar në mos gaboj në vitin 2011 apo 2012. Plani ekzistues, i cili është miratuar nëntë apo dhjetë vjet më parë, parasheh ndërtimin e një shkolle fillore. Plani i ri githashtu konfirmon ndërtimin e shkollës, vetëm disa parametra janë shtuar, plus një kopsht dhe një qendër kulturore”- deklaroi Sasha Bogdanoviq- kryetar i komunës Qendër.

 Plani i ndërtimit ishte në shqyrtim në sektorin urban në Qytetin e Shkupit. Ai është kthyer në Qendër për korrigjime dhe Bogdanoviq shpreson se plani për ndërtimin e këtij objekti në vendin e zjarrit do të miratohet nga këshilli i ri komunal në Qendër. Ndryshe, toka ku ndodhen ish-barakat e gjykatës për kundërvajtje janë në pronësi të shtetit. Dje u dogj një nga barakat. Nuk dihet shkaku i zjarrit, por disa nga qytetarët që banojnë aty thanë se ka ndodhur që në objektet e braktisura të nxirren telat për të hequr bakrin prej tyre, i cili më pas shitet. Dyshohet se zjarri është bërë në këtë mënyrë – tezë të cilën dje e theksoi komandanti i zjarrfikësve të Shkupit. Policia deri më tani nuk ka informacione konkrete për shkakun e zjarrit. Edhe pjesa tjetër e barakave tashmë nuk janë jofunksionale, me dritare dhe dyer të thyera.

Bojan Stojanovski