Albania
This article was added by the user . TheWorldNews is not responsible for the content of the platform.

Xhaçka në Ministerlialin e MPJ të vendeve anëtare të NATO-s në Letoni

TIRANË, 30 nëntor/ATSH/ Ministrja për Evropën dhe Punët e Jashtme, Olta Xhaçka mori pjesë në një diskutim të frytshëm mbi “Perspektivën e NATO-s drejt 2030″, përpara fillimit të Ministerialit të Ministrive të Punëve të Jashtme të vendeve anëtare të NATO-s në Riga të Letonisë.

Në këtë ministerial marrin pjesë Sekretari i Shtetit i SHBA-së, Anthony Blinken dhe sekretari i Përgjithshëm i NATO-s, Jend Stoltenberg.

“Diskutim i frytshëm mbi “Perspektivën e NATO-s drejt 2030″, pak orë përpara fillimit të Ministerialit të Ministrave të Punëve të Jashtme të NATO-s që këtë herë po mbahet në Letoni”, tha Xhaçka.

Ministrja Xhaçka u shpreh se “theksova se tashmë po përballemi me kërcënime të vazhdueshme hibride, që po sfidojnë sigurinë tonë kolektive. Koncepti strategjik i 2022, me fokus në unitetin, solidaritetin dhe vlerat e përbashkëta, është rruga e zgjidhjes për tu përballur me këto sfida dhe për të garantuar sigurinë për të gjithë aleatët”.

Xhaçka udhëtoi drejt Letonisë pas forumit të 6-të të Unionit të Mesdheut që u mbajt në Barcelonë.

Ministeriali do të zhvillohet në datat 30 dhe 1 dhjetor e më pas ministrja Xhaçka do të udhëtojë drejt Suedisë, në takimin e 28-të e Ministrave të Jashtëm të OSBE në 1 – 3 dhjetor.

/k.s//a.a/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.