Albania

Zgjerim i Këshillit të Bashkëpunimit dhe Partneritetit, Xhaçka pret ministren britanike për Evropën

TIRANË, 11 tetor/ATSH/ Ministrja për Evropën dhe Punët e Jashtme, Olta Xhaçka, zhvilloi një takim me ministren e Mbretërisë së Bashkuar për Evropën, Wendy Morton. Në fokus të diskutimeve ishte fuqizimi i bashkëpunimit dypalësh me fokus në marrëdhëniet ekonomike dhe tregtare, si dhe dakordësimi për të bashkëpunuar për prioritetet në Këshillin e Sigurimit të OKB-së.

Ministrja Xhaçka theksoi se Mbretëria e Bashkuar është një mik i rëndësishëm i Shqipërisë dhe aleat i Ballkanit Perëndimor.

“Vizita e ministres Morton shënon hapjen e siparit të një faze të re në marrëdhëniet dypalëshe dhe bashkëpunimin mes Shqipërisë dhe Mbretërisë së Bashkuar. Është një moment shumë simbolik, pasi këtë vit ne shënojmë njëqind vjetorin e vendosjes së marrëdhënieve tona diplomatike për herë të parë, në vitin e largët 1921, dhe pikërisht në këtë përvjetor jemi duke punuar ngushtë për t’i dhënë kësaj marrëdhënieje një dimension të ri, shumë më ambicioz, qoftë në shkëmbimet ekonomike, politike, kulturore, por edhe në bashkëpunimin në organizata ndërkombëtare”, u shpreh ministrja Xhaçka pas takimit.

Nga ana tjetër, ministrja Morton tha se me dakordësimin për mbajtjen e Këshillit të përbashkët të Partneritetit, Mbretëria e Bashkuar ka riafirmuar mbështetjen e saj për agjendën ndërkombëtare dhe të reformave të Shqipërisë.

“Mbretëria e Bashkuar konfirmon angazhimin e saj për një marrëdhënie më të ngushtë me Shqipërinë dhe për të luajtur një rol pozitiv të vazhdueshëm në Ballkanin Perëndimor. MB vazhdon të jetë një mik dhe aleat i fortë për Shqipërinë dhe Ballkanin Perëndimor”, u shpreh ajo.

Të dy vendet janë zotuar të punojnë së bashku edhe më ngushtë në NATO dhe veçanërisht përmes Këshillit të Sigurimit të Kombeve të Bashkuara, pasi Shqipëria fillon mandatin e saj dyvjeçar në janar 2022.

Këshilli i përbashkët i Partneritetit do të ofrojë gjithashtu mundësi për një bashkëpunim të përtërirë mbi qeverisjen e mirë dhe sundimin e ligjit.

Të dy vendet gjithashtu u angazhuan për të punuar së bashku dhe me partnerë të tjerë ndërkombëtarë për ndryshimet klimatike, mjedisin dhe ekonominë e gjelbër, ndërsa presin mbledhjen e drejtuesve botërorë, ku do jetë prezent edhe kryeministri shqiptar, në Glasgow në muajin nëntor për samitin e klimës COP26 të OKB -së. /j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Football news:

A homophobic tweet was published on behalf of Shomurodov. Roma stated that the account is fake
Neymar on the words about the 2022 World Cup: I was misunderstood. I go out to every match as if he is the last
Lautaro has extended his contract with Inter until June 2026. There are no compensation now
Pochettino on Messi: Guardiola said he can play in any position. He has an exceptional ability to be anywhere on the pitch
Xavi wants Barcelona to sign a fast defender. Cunde from Seville is an ideal option
The owner of Sparta is close to acquiring a 27% stake in West Ham. Later, he will be able to completely buy out the club
Mauricio Pochettino: Messi is the best player in the world with an exceptional understanding of the game