Azerbaijan

Avropa mediası Lahıcdan reportaj hazırlayıb – Video

Lahıc Azərbaycanın qədim yaşayış məskənlərindən sayılır. Qəsəbə 200-300 il əvvəl bu torpaqların miskərlik və silah istehsalı mərkəzlərindən olub. Ənənələrin indi də davam etdirildiyini demək mümkündür.

Bizimyol.info xəbər verir ki, Avropa mediasında yer alan növbəti reportajda Lahıcdan danışılıb. Qəsəbə sənətkarlar məkanı kimi təqdim olunub. Buralarda dəri emalı və xalçaçılğın məşhur olduğu qeyd edilib. Amma bildirilib ki, Lahıcda miskərlik daha populyardır.

Avropalı jurnalistlər əvvəlcə Kəbleyi Əliyevin emalatxanasına baş çəkiblər. Lahıclı sənətkar bu yerin əsasının 1725-ci ildə qoyulduğunu deyib: “Az qalır 300 il olsun. Mənim artıq 50 yaşım var. Mənim uşaqlarım bu işlə məşğul olan səkkizinci nəsildir”.

Reportajda deyilir ki, mis emalı metallurgiyanın ən qədim formasıdır. Müxtəlif növ mis qabların ənənələri və naxışları min illər əvvələ gedib çıxır. Lahıcda misin işlənməsi üsulları son əsrlərdə çox az dəyişib. Yəni yerli misgərlər ənənələrə sadiq qalır. Onlar hələ də çəkiclə işləyirlər. Misgərlər köhnə üsullarla yaxşı nümunələr ortaya qoyurlar.

Lahıcın tanınmış naxışvuran ustalarından olan Hacı Əliyev hər qaba həssas yanaşdığını bildirib. O, eyni naxışı bütün qablara vurmadığını deyib. Hacı Əliyev daş yonmaq üçün xüsusi qələmdən başqa heç bir alətdən istifadə etmir: “Hətta karandaşla da işləmirəm. Bütün naxışları təsəvvürümdə canlandırıram”.

Reportajda Lahıc məhsullarının hətta Luvr muzeyinə qədər gedib çıxdığı qeyd olunub. Bunu Lahıc Tarix-Diyarşünaslıq Muzeyinin direktoru Kəmalə Əliyeva da təsdiq edib. Onun sözlərinə görə, qəsəbədə hələ 11-ci əsrdə sənətkarlıqla məşğul olublar: “Min il əvvəl burada qablar hazırlayırlarmış. Arxeoloqlar qəsəbənin müxtəlif yerlərində mis pullar tapıblar. Məlumdur ki, 1923-cü ildə Lahıcda 200 misgər yaşayırmış”.

Sonda 2015-ci ildə Lahıc misgərlik sənətinin UNESCO-nun bəşəriyyətin şifahi və qeyri-maddi mədəni irsinin şedevrləri siyahısına daxil edilməsi vurğulanıb.

Bizimyol.info

Football news:

We have lost team football. We wanted to help Ronaldo succeed. Bonucci and Chiellini - about the disadvantages of playing with Cristiano
Ronaldinho: I didn't think Messi would end up at PSG. With such players, you can strive to win the Champions League
Bruno may miss the match with Liverpool due to injury
Arteta about bullying coaches and Bruce: People are already doubting whether they want to work like this. We have to think
Klopp on Manchester United: And we have good players, and the number of penalties is not even close. This is a fact
Pogba launched the first 100% vegan cleats in collaboration with Stella McCartney and adidas. They are gender-neutral
Jurgen Klopp: Salah and Ronaldo are world-class players. Mo's left leg is better. Cristiano is slightly better in the air. But why compare them?