Azerbaijan
This article was added by the user Anna. TheWorldNews is not responsible for the content of the platform.

Bu gün Türkiyə Super Liqasında mövsümün ilk İstanbul derbisi olacaq

Bu gün futbol üzrə Türkiyə Super Liqasında mövsümün ilk İstanbul derbisi keçiriləcək.

Milli.Az "Report"a istinadən bildirir ki, X tura təsadüf edən matçda "Beşiktaş" "Qalatasaray"ı sınağa çəkəcək.

Hazırda hər iki komandanın 17 xalı var. "Beşiktaş" 6-cı, "Qalatasaray" 8-ci pillədə qərarlaşıb.

97 illik rəqabətdə 349 matçın 123-nü "sarı-qırmızılar", 112-ni "ağ-qaralar" qazanıb. 114 görüşdə isə heç-heçə qeydə alınıb. Qolların nisbətində də "Cim-Bom"un üstünlüyü var - 487:456.

"Beşiktaş" 2016-cı ildə istifadəyə verilmiş "Vodofon Park"da rəqibinə məğlub olmayıb. Arenadakı ilk derbi 2:2 hesablı heç-heçə ilə yekunlaşıbsa, digərlərində "ağ-qaralar" meydanı 3 xalla tərk edib.

Komandalar arasındakı son 10 oyunda "Beşiktaş" üstünlüyə malikdir. "Qara qartallar" 5 dəfə qələbə qazanıbsa, 3 görüşdə məğlub olub, 2 qarşılaşma bərabəliklə başa çatıb.

Milli.Az