Bu gün DÇ-2022-də 1/8 final mərhələsinin daha iki oyun keçirilir.
Günün ilk matçında Fransa Polşa ilə üz-üzə gəlir. "Al Tumama" stadionundakı görüş Bakı vaxtı ilə saat 19:00-da başlayıb.
Saat 23:00-da "Əl Bayt" stadionunda İngiltərə - Seneqal qarşılaşması oynanılacaq. Bugünkü oyunların qalibləri 1/4 finalda bir-birləri ilə üz-üzə gələcək.
Qeyd edək ki, Niderland və Argentina 1/4 finala yüksəliblər.
4 dekabr
DÇ-2022-nin 1/8 final oyunu üçün Fransa və Polşa millilərinin start heyətləri bəlli olub.
"Xoruzlar"ın start 11-liyində Huqo Lloris, Jül Kunde, Rafael Varan, Dayo Upamekano, Teo Ernandes, Orelyen Tçuameni, Adrien Rabio, Antuan Qrizman, Usman Dembele, Kilian Mbappe, Olivye Jiru yer alıb.
Polşa komandası isə Voyçex Şçensni, Bartoş Bereşinski, Yakub Kiver, Kamil Qlik, Metti Keş, Pşemıslov Frankovski, Sebastyan Şimanski, Qjeqoj Krıxovyak, Pyotr Zelinski, Yakub Kaminski, Robert Levandovski ilə mübarizəyə başlayacaqlar.
Milli.Az
