“Rusiya prezidenti Vladimir Putinin istəyi ilə Rusiyanın təhrik etdiyi genişmiqyaslı müharibə qaçılmaz oldu. Lakin təkcə Ukrayna Rusiya Federasiyasının qurbanına çevrilə bilməzdi, çünki Kreml Yaponiya ilə hərbi münaqişəyə ciddi hazırlaşırdı”.
Publika.az xəbər verir ki, bu barədə FTX ilə əməkdaşlıq edən şəxs tərəfindən rusiyalı hüquq müdafiəçisi və jurnalist Vladimir Oseçkinə martın 17-də ünvanlanmış məktubda qeyd olunub. Sözügedən məktub Amerikanın “Newsweek” nəşrində yayımlanıb.
“Dəyişiklik küləyi” təxəllüslü tanınan FTX agenti bunları yazıb: “Ölkələrin (Rusiya və Yaponiya – red.) kəskin qarşıdurma mərhələsinə qədəm qoyacağına inam, hətta müharibə yüksək idi. Nə üçün sonda müharibə üçün Ukrayna seçildi? ssenari çox dəyişməyib...”.
Qəzet yazır ki, Yaponiya ilə münaqişə başlamazdan əvvəl təbliğatçılar işə başlamalı idi. Onların rolu rusların yaponlara qarşı nifrətini alovlandırmaq, sonuncunun “nasist” və “faşist” obrazını yaratmaq idi. Bu taktika sonda ukraynalılara qarşı tətbiq olundu.
“Rusiya hətta cəmiyyəti Yaponiya ilə müharibəyə hazırlamağa başladı. 2021-ci ilin avqustunda FTX İkinci Dünya Müharibəsi zamanı Yaponiya xüsusi xidmət orqanlarının SSRİ vətəndaşlarına işgəncə verməli olduğu barədə məlumatı məxfilikdən çıxarıb. İlk vaxtlar bu xəbər informasiya məkanında demək olar ki, nəzərə çarpmırdı, amma bir neçə gün ərzində təbliğat bu mövzunu dağıtmağa başladı. Moskva qəfildən Yaponiya ilə müharibə etmək fikrindən daşındı və Ukraynada dayandı. Bunun dəyişdirilməsinin səbəbləri məlum deyil”, - məlumatda deyilir.
“Dəyişiklik küləyi” Yaponiyaya hücum üçün siqnal gözləyən rus helikopterlərinin dəqiq mövqelərini qeyd edib.
Murad
