Azerbaijan

Ələt İqtisadi Zonasında 2 min kubmetrlik sutəmizləyici kollektorlar inşa edilir - FOTO

Ölkə iqtisadiyyatı üçün perspektiv əhəmiyyət daşıyan Ələt Azad İqtisadi Zonasında içməli və tullantı su infrastrukturlarının yaradılması işləri davam etdirilir.

"Azərsu" Açıq Səhmdar Cəmiyyətindən verilən məlumata görə, qurum tərəfindən hazırda iqtisadi zonanın magistral su kəmərləri və yağış sularının kənarlaşdırılması məqsədilə kollektorlar inşa olunur.

Ələt Azad İqtisadi Zonasının içməli su təchizatı sisteminin yaradılması layihəsinə əsasən, ərazinin içməli su təchizatı Kür-Bakı magistral su kəməri hesabına təmin olunacaq. Bu məqsədlə magistral xətdən birləşmə verilib və zona ərazisinə 530 mm diametrli borularla magistral su kəməri çəkilib. Eyni zamanda Kür-Bakı magistralının xüsusi iqtisadi zonanın ərazisindən keçən 1,5 km-lik hissəsi köçürülərək zona xaricinə çıxarılıb.

Ərazidə yaranacaq yağış və qrunt sularının kənarlaşdırılması məqsədilə hazırda 900 metr uzunluğunda açıq tipli kanal inşası davam etdilir. Açıq kanala toplanan sular 1400 və 1800 mm diametrli beton borulardan ibarət 3 km uzunluğunda qapalı kollektorlara ötürülərək kənarlaşdırılacaq. Kollektorların avtomobil və dəmir yolu ilə kəsişmələrində ümumi uzunluğu 190 metr olan 2 mikrotunel inşa olunur.

İndiyədək açıq və qapalı kollektorların 60 faizdən çox hissəsi inşa edilib. İcrasına cari ilin sentyabr ayında başlanmış layihə üzrə işlərin bu ilin sonuna qədər başa çatdırılması nəzərdə tutulur.

Layihənin növbəti mərhələsində xüsusi iqtisadi zonada sutkalıq gücü 2000 kubmetr olan modul tipli tullantı sutəmizləyici qurğu inşa ediləcək. Gələcəkdə Ələt qəsəbəsi və ətraf yaşayış məntəqələrinin, həmçinin Ələt Azad İqtisadi Zonasının inkişafı nəzərə alınaraq məhsuldarlığı sutkada 20000 kubmetr olan bioloji tipli tullantı sutəmizləyici qurğunun inşası nəzərdə tutulur. Burada təmizlənən suyun kənarlaşdırılması məqsədilə Xəzər dənizinin dibi ilə 3 km uzunluğunda xəttin tikintisi də layihələndirilib.

Milli.Az

Football news:

Karim Benzema: My idols Ronaldo and Zidane came to Real Madrid and took the Golden Ball. Now I am not so far from it
Paul Merson: I don't see Sulscher as the coach of Manchester United in the long term, if Liverpool wins
Jose Mourinho: Does Mourinho want more players? Of course, like any coach. But Mourinho is not an asshole
Klopp on Firmino: The best attacking defender. It seems that he is not being praised enough
Richarlison: I want to motivate people to get vaccinated. In Brazil, many did not get a second vaccination
Laporta on Messi: He left 2 years earlier than planned. Sooner or later it had to happen
1:6 - the end of Mourinho's honeymoon in Roma, but his football can still work in Italy (definitely better than in the Premier League)