MDB ətrafında hərbi-siyasi vəziyyət getdikcə daha da gərginləşir və bundan sonra da gərginləşəcək.
Publika.az xəbər verir ki, bu barədə Belarus prezidenti Aleksandr Lukaşenko MDB ölkələrinin xüsusi xidmət orqanlarının rəhbərləri ilə görüşündə bildirib.
"Biz başa düşməliyik ki, ətrafımızdakı əsas oyunçular - Rusiya, Belarus, Mərkəzi Asiya dövlətləri - yavaş-yavaş bizi bir-birimizdən ayırmağa çalışırlar. Biz buna imkan verməməliyik. Biz NATO ölkələrinin artan hərbiləşməsini və qoşunların misli görünməmiş şəkildə bir yerdə cəmləşməsini müşahidə edirik. Bizim ümumi ərazimizdə münaqişələr alovlandırılır”, - Lukaşenka bildirib.
Onun fikrincə, bu gün əsas təhlükələrdən biri informasiya-psixoloji təsir, bilərəkdən yalan, saxta məlumatların yayılmasıdır. Bu cür hərəkətlərin məqsədi dövlətlərin beynəlxalq aləmdə nüfuzunu sarsıtmaqdır. Belarus lideri qeyd edib ki, təhlükəli, aqressiv hərəkətlər bəzən saxtakarlıq kimi yekunlaşdırılır.
Lukaşenko vurğulayıb ki, Qərbin faktiki informasiya inhisarçılığı, internetə, böyük sosial şəbəkələrə və beynəlxalq mediaya nəzarət buna ancaq kömək edir.
Aydan
