Azerbaijan

Qarabağdakı təxribatların arxasında kim durur? – DETALLAR

Oktyabrın 12-də Rusiya Prezidenti Vladimir Vladimiroviçlə Ermənistanın baş naziri Nikol Vovayeviç arasında Moskvada gerçəkləşən görüşdən iki gün əvvəl Qarabağdakı separatçı ermənilər rusiyalı sülhməramlıların “yubkalarının altından” yenə də təxribatlar törətməyə cəhd göstərdilər. Dinc erməni sakininə snayperlə atəş açaraq bu hadisəni Azərbaycan əsgərinin boynuna yıxmağa çalışdılar. Amma bu, baş tutmadı.

Putin-Paşinyan görüşündən 1 gün sonra isə separatçı terror dəstəsinin üzvləri Ağdərə yolunda qeyri-hərbi yük daşıyan Azərbaycana məxsus avtomobil kalonunu atəşə tutdular. Xoşbəxtlikdən həlak olan və ya yaralanan olmasa da, Qarabağdakı təxribatların kökündə dayanan səbəblər, xüsusən də bu təxribatların Putin-Paşinyan görüşünün əvvəli və sonrası baş verməsi xeyli təəccüblüdür.

Keçmiş xarici işlər naziri, politoloq Tofiq Zülfüqarov Publika.az-a açıqlamasında söyləyib ki, indiki mərhələdə ən vacib məsələ Qarabağdakı Rusiya-Türkiyə Birgə Monitorinq Mərkəzi ilə bağlıdır. O qeyd edib ki, onlar atəşkəsə nazarəti birbaşa texniki vasitələrlə həyata keçirirlər:

“İstənilən halda onlar həm gündüz, həm də gecə monitorinq aparırlar. Ona görə də çox dəqiqliklə atəşkəsin kimlər və hansı tərəfdən pozulmasını deyə bilərlər. Onlar daim orada PUA-larla monitorinq həyata keçirirlər. Bu səbəbdən də birinci kimin atəş açdığını daha dəqiq müəyyənləşdirmək olur. Bütün hadisələr yazılır, qeydə alınır. Onları dəqiqləşdirdikdən sonra hadisənin mənbəyini tapmaq lazımdır. Orada müxtəlif qüvvələrin oyunları ola bilər. Qarabağdakı erməni əhalisinin hansısa təxribatyönümlü ünsürlərinin bu cür təxribatlara əl atması mümkündür. Mən bunu istisna etmirəm. Bu kimi təxribatları gerçəkləşdirənlərin məqsədləri də müxtəlif ola bilər”.

Politoloq hesab edir ki, Qarabağda təxribat törədənləri aşkarlayıb tutmaq lazımdır ki, bu cür addımları nə üçün atdıqlarını öyrənmək mümkün olsun: “Mən hesab edirəm ki, Qarabağdakı təxribatların Putin-Paşinyan görüşü ilə birbaşa bağlılığı yoxdur. Fikrimcə, bu görüşlə təxribatlar arasında bağlılıq axtarmaq çətindir. Hər şeyi bir-birinə bağlamaq olar, amma gərək əsaslar, dəlillər olsun. O ki qaldı görüşə, Putin-Paşinyan görüşündə 10 noyabr razılaşması müzakirə mövzularından biri olub – deyə düşünürəm. Çünki həmin üçtərəfli bəyanatın bəzi bəndlərinin icrası hələ də reallaşmayıb. Təbii ki, həmin bəndlərin axıra qədər həyata keçirilməsi mütləq məsələdir”.

Tofiq Zülfüqarovun fikrincə, hazırda ən vacib məsələlərdən biri Zəngəzur dəhlizidir: “İran birdən-birə bu məsələyə müdaxilə etməyə çalışır. Tehranın siyasi ambisiyaları onu göstərir ki, həm Rusiya, həm Türkiyə, həm də Azərbaycan bu məsələdə israrlı olacaq. Bu 3 ölkə Zəngəzur dəhlizinin işə salınması üçün hər cür səy göstərəcək. Zəngəzur dəhlizi məsələsi hələ də öz aktuallığını qoruyur. İranın bu məsələdəki qeyri-konstruktivliyi çətin ki, Zəngəzur məsələsində Ermənistanın əl-qolunu açsın. Hazırda onsuz da Ermənistanın daxilində dava gedir. Bu dava rusiyapərəstlərlə qərbpərəstlər arasındadır. İndiki mərhələdə yeni “siyasi qohum”un meydana çıxması məsələni daha da gərginləşdirə bilər. Hiss olunur ki, burada Rusiya və İranın mövqeləri fərqlənir. Bu baxımdan hazırkı situasiya daha çox ermənilərə problem gətirə bilən mövzudur”.

Tural Turan

Football news:

Salah scored 10 goals and gave 4 assists in 10 matches this season
Koeman on Pedri's contract: I don't set the compensation. It is important to keep the best players in the club
The players of the Danish national team held a pool party at the hotel with the participation of half-naked girls on the eve of the match with Moldova
Mourinho drank whiskey with McGregor in Rome and presented him with a Roma T-shirt with the 10th number. Conor called the coach a legend
Mane scored the 100th goal in the Premier League. He is the third player in history to reach this mark without a penalty
Koeman about the future: I'm used to people talking about it. I will not concentrate on emotions. I will do everything for Barca
Dani Alves on Messi and Neymar: Barcelona has lost more than just players. It was necessary to do everything to save them