Rusiya qorxu və panika yaymaqla Ukraynanı təslim olmağa məcbur etmək istəyir. Ukrayna heç vaxt bu qədər qan tökən Rusiya rejiminə ərazi güzəştlərinə razı olmayacaq.
Milli.Az axar.az-a istinadən bildirir ki, bunu Ukraynanın müdafiə naziri Aleksey Reznikov deyib.
"Onlar bizi təslim aktı imzalamağa məcbur edəcək qədər xaos, panika və qorxu yaratmağa çalışırlar. Bu, alınmadı. Biz o əhval-ruhiyyədə olmağa belə yaxın deyilik", - Reznikov bildirib.
Onun sözlərinə görə, Rusiyanın müdaxiləsi göstərdi ki, Ukraynanın müttəfiqləri onları müdafiə etməkdən daha çox insan hüquq və azadlıqlarından danışırlar.
Nazir Qərbin bürokratiya və praqmatizminin onun dəyərlərindən qat-qat güclü olduğunu söyləyib.
Milli.Az
