Wasiirada arrimaha dibadda ee shanta dal ee ciidamada ka jooga Soomaaliya ee qeybta ka ah howlgalka Midowga Afrika ee AMISOM (Burundi, Djibouti, Ethiopia, Kenya, iyo Uganda) ayaa warqad wadajir ah u diray xoghayaha guud ee Qaramada Midoobay Antonio Guterres iyo madaxweynaha golaha ammaanka Ferit Hoxha iyadoo muujisay “taageero xooggan” ee ku aadan codsiga Soomaaliya ee ah in dib loo dhigo dhimista ciidamada ATMIS 3 bilood.
Warqadda wadajirka ah ayaa ku baaqaysa “hakin farsamo” ee qorshaha in la dhimo 3,000 oo ciidamada ATMIS ah, kuwaas oo Soomaaliya ay si rasmi ah uga codsatay warqad ay dhawaan u dirtay Golaha Ammaanka.
Soomaaliya ayaa ku doodeysaa in dib u dhacu uu yahay lagama maarmaan si wax looga qabto caqabadaha amniga ee muhiimka ah ee lagu muujiyey warbixintii Qiimeynta Farsamada Wadajirka ah ee ka hor inta aan loo gudbin wejiga xiga ee dhimista.
Dib u dhacyadii ugu danbeeyey ee ku yimid ciidamada Soomaaliya dagaalada ka socda Galmudug, kadib ayaa dowladdu xal u aragtey in la sugo inta ay Galmudug ka soo dhamaaneyso.
Goobaha ugu horeeya ee ATMIS ay ka baayso waxaa kamid ah Villa Somalia, Garoonka diyaaradaha ee Muqdisho iyo dekadda weyn ee Muqdisho.
Horseed Media
