Azerbaijan
This article was added by the user . TheWorldNews is not responsible for the content of the platform.

30 noyabr şəhidlərinin ailələrinə bu ödənişlər veriləcək - Nazir açıqladı

Noyabrın 30-da helikopter qəzasında həlak olan hərbçilərin ailələri sosial dəstək tədbirləri ilə əhatə olunacaq.

Milli.Az "qafqazinfo"-ya istinadən xəbər verir ki, bunu əmək və əhalinin sosial müdafiəsi naziri Sahil Babayev deyib.

"Şəhid statusu üçün nəzərdə tutulan bütün ödənişlər - müavinət, kompensasiya, pensiya, təqaüdlər onlara da ödəniləcək. Mənzil, avtomobil təminatı həyata keçiriləcək.  

Eyni zamanda, bu ailələrin ehtiyaclarının qarşılanması üçün dövlət tərəfindən irəli sürülən bütün alətlərdən istifadə olunacaq. Artıq nazirliyin Dövlət Sosial Müdafiə Fondu bu istiqamətdə işlərə başlayıb.

Bu ailələrin sənədlərinin toplanmasına başlanılıb", - nazir qeyd edib.

Milli.Az