Azerbaijan
This article was added by the user Anna. TheWorldNews is not responsible for the content of the platform.

Millət vəkili şəhid ailələri ilə görüşdü - FOTO

Milli Məclisin deputatı Sevil Mikayılova Xaçmaz rayonunda şəhid ailələrini ziyarət edib.

Milli.Az Trend-ə istinadən bildirir ki, rayonun Nabran, Pirquluoba, Palçıqoba, Nərəcan, Mürşüdoba, Uzunoba, Şərifoba kəndlərində keçirilən görüşlər zamanı Azərbaycanın müstəqilliyi və ərazi bütövlüyü uğrunda canını fəda etmiş şəhidlərimizin xatirəsi ehtiramla yad edilib. Şəhidlərin doğmaları ilə söhbət zamanı Vətən müharibəsində tarix yazan oğulların keçdikləri döyüş yolundan danışılıb, onlarla bağlı xatirələr bir daha anılıb. Görüşlərdə Azərbaycan Prezidenti İlham Əliyevin tapşırıq və tövsiyələrinə uyğun olaraq şəhid ailələrinin hər zaman dövlət tərəfindən xüsusi diqqət və qayğı ilə əhatə olunduğu vurğulanıb.

Şəhid yaxınları göstərilən diqqət və qayğıya görə Prezident, Ali Baş Komandan İlham Əliyevə və Birinci vitse-prezident Mehriban Əliyevaya öz minnətdarlıqlarını ifadə ediblər.

Milli.Az