Azerbaijan
This article was added by the user Anna. TheWorldNews is not responsible for the content of the platform.

Stresi azaltmağın təsirli yolları

Hamımız bəzən bizi narahat edən vəziyyətlərə düşürük. Yəni stres yaşamağa məhkum oluruq.

1.İlk növbədə " sancaqdan" başlayın.

Fransız filosof Emile-Auguste Chartier "Xoşbəxtlik haqqında" əsərində hər hansı bir anlaşılmaz vəziyyətdə bir "sancaq " tapmağın nə qədər əhəmiyyətli olduğunu yazmışdır. Ağlayan uşağı narahat edən səbəb bir dayənin ağlına gəlməyən yorğanındakı iynədir və uşaq zövq üçün deyil, məhz iynə ucbatından qışqırır , kömək istəyir . Dayə onu tapana qədər körpənin narahatlığı artır.

Əgər siz də "sancağı" tapsanız, baş verənləri daha yaxşı anlayacaqsınız.

Stresin əsas mənbəyinin yalnız bir "sancaq" olduğunu başa düşsəniz, özünüzü vəziyyətinizin qurbanı etməyəcəksiniz.

2. Nəfəs alın.

Dörd saniyə nəfəs alın, sonra nəfəsinizi başqa dörd saniyə saxlayın; dörd saniyə nəfəs alın və yenidən nəfəsinizi tutun. Üç dəfə təkrarlayın.Bunu limon qoxlayaraq etmək də çox fayda verə bilər.

3. Beyninizi məşğul edin.

Məsələn, bir filmə baxmaq. Parlaq rəngli, yüksək səsli olsun, sadəcə çox düşünməmək və narahat olmamaq şərtilə.

4. Köpək və ya pişiklə oynamaq (və ya itlərin getdiyi parkda gəzmək).

Ev heyvanları ilə oynamaq qan təzyiqini aşağı salmağa kömək edir, oksitosin kimi əhval hormonlarını qana buraxır və stress hormonu kortizol istehsalını azaldır. Yeri gəlmişkən, itlər böyük dinləyicilərdir, buna görə də sizi mühakimə etməkdən qorxmadan narahatlıqlarınızı onlarla bölüşməkdən çəkinməyin.

5. Musiqiyə qulaq asın

Musiqi, xüsusən də klassik musiqi nəbzi, qan təzyiqini və zərərli stres hormonlarınızı azaltmağa kömək edə biləcək güclü bir vasitədir. Həm də əhval-ruhiyyəni və özünə hörməti yaxşılaşdırır.

6. Dostlarınıza, yaxınlarınıza zəng edin

Yaxın bir dostunuzla ünsiyyət qurduğunuzda, vücudunuzda stres hormonu olan kortizol istehsalı azalır və sevdiyiniz insanla danışmaq "rahatlama reaksiyası" yaradır.

7. Sakitləşdirici bir hobbi ilə məşğul olun.

Bir sudoku həll edin, toxuma işi üçün on dəqiqə sərf edin, bir detektiv romanı oxuyun, yaxud krossvord həll edin, hobbiniz nə olursa olsun, zehninizi işdən uzaqlaşdırmağa və işinizə, ailənizə diqqət yetirməyə kömək edə bilər,narahatlıq və stressi azaldar.

8.Təbiətlə istirahət edin.

Stresin əsas mənbəyi həddindən artıq işləməkdir, buna görə istirahət onunla mübarizə aparmağa kömək edir. Ancaq bunu bütün gün televizorun qarşısında oturmaqla deyil, aktiv şəkildə istirahət etmək, təbiətə, təmiz hava ilə keçirmək lazımdır. Xüsusən, su kənarlarında olmaq antistres təsiri yaradır.

9. Əşyaları dəyişdirin.

Evi təmizləyin, alış -verişə gedin və ya nəhayət bir neçə gündür yanıb -sönən lampanı dəyişin. Bu şəkildə ən azından bir şey etməkdən məmnunluq hiss edəcəksiniz.

10. Avtomobillə gəzintiyə çıxın.

Şəkli dəyişdirmək möcüzələr yaradır və bu, bəzən özünüzü problemlərinizdən tam uzaqlaşdırmaqda faydalı olacaq.

11.Yuxunuzu qaydasına salın.

Stresli  vəziyyətdə olan bir çoxumuzun "Yenidən başlat" düyməsinə ehtiyacımız var və normal yuxu bu vəzifəni mükəmməl bir şəkildə yerinə yetirəcək.Lazım gələrsə, yuxu pozuımasını mütəxəssis yardımı ilə bərpa edin.

12. Minnətdarlıq, qürur və ya xoşbəxtlik hissi  yaşamağa çalışın.

Bəli, stresli bir vəziyyətdə asan deyil, amma heç olmasa, içindəki bu hisslərə səbəb olan bir şeyi xatırlamağa çalışın. Məsələn, bu sizin hər hansı nailiyyətləriniz ola bilər.

13. Birini qucaqlayın, gülümsəyin.

Qucaqlaşmalar, təbəssümlər məmnunluq hissləri yaradan və narahatlığı azaldan oksitosin hormonunu ifraz etdirir.Antistres zamanı da istədiyimiz budur.

14. İdmanla məşğul olun.

İdman stresli vəziyyətlərlə mübarizə aparmağa kömək edir və bədəni emosional təsirlərə qarşı daha davamlı edir. Bu çoxları üçün əla çıxış yoludur - idman etmək, yoqa ilə məşğul olmaq. Fərqi yoxdur, qaçış, velosiped sürmə, fitnes, aerobika və s.ola bilər.Bunu sınayın və həqiqətən işlədiyini görəcəksiniz! Məşqlər bədənin rahatlamasına səbəb olacaq. Bu da öz növbəsində bədən və beyninizin streslə mübarizə mexanizmlərini işə salacaq.

15. Problemi həll etməyə çalışın.

Və ya heç olmasa bütün mümkün həlləri ələkdən keçirin. Beyninizin bundan sonra baş verə biləcək hadisələrə dair daha çox kabus ssenarisi yazmağına icazə verməyin, nəzarəti əlinizə alın.

16 Dəstək alın.

Tənhalıq streslə mübarizədə çox çətin və lazımsız ola bilər. Başqalarına köməyə ehtiyacınız olduğunu birbaşa söyləmək gərəkə bilər. "Güclü və müstəqil" olmaq və bütün problemləri təklikdə həll etmək lazım deyil.
Mənfi, daim stresli insanlardan çəkinin. Əhval bulaşıcıdır. Sakit bir insanla ünsiyyət qurarkən, çox güman ki, sakitləşəcəksiniz və səmimi olaraq xoşbəxt və pozitiv insanlarla əhatə olunaraq sevincləri "tutacaqsınız". Buna görə neqativ xislətli insanlardan çəkinin!

17. Ən yaxşı şəxsiyyət kimi davranın.

Bu vəziyyəti necə idarə etmək istərdiniz? Problemləri həll edərkən necə davranmaq istərdiniz? Hansı keyfiyyətləriniz çatışmır? Onlara sahib olduğunuzu düşünün. Beyninizdə "ideal bir şəxsiyyət" in bir versiyasını yaradın və bu obraz və bənzərliklə hərəkət edin. Görəcəksiniz ki,  stres səviyyəsi əhəmiyyətli dərəcədə azalır.

Streslə mübarizənin əsas qaydası özünüzə sevgi və diqqətlə yanaşmaqdır. Kofeinli içkilər və alkoqol qəbulunu azaldın. Səhvlərinizə, gücünüzə və emosionallığınıza görə özünüzü qınamayın. Bəzi hallarda, psixoloqa baş çəkmək də sadalanan üsullarla bərabər daha faydalı ola bilər.

Hira Abbey
Milli.Az