İran zəlzələdən zərər çəkən azərbaycanlılara sahib çıxmır

İran hökuməti zəlzələdən zərər çəkən azərbaycanlılara sahib çıxmır.

Publika.az "Azad İran"a istinadla xəbər verir ki, sosial şəbəkələrdə yayılan görüntülərdən aydın olur ki, zəlzələdən zərərçəkənlər şaxtalı havada küçədə qalıblar.

Qeyd edək ki, dünən gecə Güney Azərbaycanın Xoy şəhərində 5.9 bal gücündə zəlzələ baş verib.

Məlumatlara görə, zəlzələ nəticəsində ən azı iki nəfər ölüb, daha 440 nəfər xəsarət alıb, çoxlu sayda evlər dağılıb. Zəlzələnin təsiri qonşu kəndlərdə də hiss olunub.