"Twitter"in CEO-su Elon Mask sosial şəbəkədəki hesabını bir gün müddətinə məxfi edib,.
Publika.az xəbər verir ki, bu barədə "Bloomberg" məlumat yayıb.
"Şəxsi tvitlərimi ictimai olanlardan daha çox görüb-görmədiyinizi yoxlamaq üçün sabah səhərə qədər hesabımı məxfi etdim", - Mask çərşənbə günü səhər saat 10 radələrində yazıb.
Çərşənbə axşamı Yanq Miles Çeong adlı istifadəçi "Twitter"də testin nəticələrini dərc edib. Hesabı bağlanarkən göndərilən tvit, hesabı açıq olduğu zaman göndərilən eyni tvitdən daha çox bəyənmə və baxış toplayıb.
Mask bunun "son dərəcə narahatedici bir hadisə" olduğunu söyləyib və daha sonra öz eksperimentini aparacağına söz verib.
Xəbər verdiyimiz kimi, amerikalı milyarder İlon Mask "Twitter"i 2022-ci ilin oktyabrında 44 milyard dollara alıb.
Hüseyn İbadlı
