Futbol üzrə Azərbaycan yığmasının UEFA Millətlər Liqasının qrup mərhələsi çərçivəsində Slovakiyaya qarşı keçirəcəyi oyunun stadionu bəlli olub. Milli.Az matc.az-a istinadən bildirir ki, görüş Trnava şəhərindəki Anton Malatinski stadionunda baş tutacaq.
Bu barədə Slovakiya Futbol İttifaqının rəsmi saytı məlumat yayıb. Sentyabrın 22-də təşkil olunacaq qarşılaşmaya Bakı vaxtı ilə saat 22:45-də start veriləcək.
Azərbaycan millisi UEFA Millətlər Liqasındakı ilk oyununu iyunun 3-də səfərdə Qazaxıstana qarşı keçirəcək.
Milli.Az
