BRUKSEL, 9 shkurt /ATSH-DPA/- Komisioneri i BE-së për Krizat, Janez Lenarcic vizitoi sot qytetin Gaziantep, Turqi, ndërsa blloku ka vënë në dispozicion një ndihmë më të madhe për Sirinë.

Tenda, çanta gjumi, dyshekë, shtretër, ushqime dhe veshje ishin ndër ndihmat e ofruara nga vendet e BE-së për Sirinë, pasi vendi i kërkoi bllokut ndihmë të mërkurën.

BE-ja ka ofruar fonde emergjente me vlerë 3.5 milionë euro (3.8 milionë dollarë) në dispozicion të organizatave të ndihmës për të adresuar nevojat urgjente, duke përfshirë financimin për strehimin, ujin dhe kanalizimet në Siri.

“Një kërkesë nga Programi Botëror i Ushqimit i Kombeve të Bashkuara për ndihmën shtesë do të lejojë kanalizimin e ndihmës së mëtejshme të BE-së”, thuhet në një deklaratë.

“Turqia do të marrë një ndihmë me vlerë 5 milionë euro, duke përfshirë 500 njësi akomodimi të përkohshme, 2 000 tenda dhe 10 500 shtretër”, tha komisioni.//a.i/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.