Diktatori i Koresë së Veriut, Kim Jong-un, po sfidon Covid-19 duke thyer edhe rregullat e vendosura nga ekspertët e tij për luftimin e pandemisë.
Në pamjet e transmetuara nga televizioni publik KRT, ai shfaqet duke mbajtur një arkivol gjatë një funerali, por nuk mban maskë mbrojtëse në fytyrë.
Diktatori po i jepte lamtumirën e fundit një zyrtari të lartë të ushtrisë popullore koreane gjatë një ceremonie të mbajtur të dielën. Në pamjet e publikuara, Kim Jong-un, merr pjesë edhe në procesin e përcjelljes për në banesën e fundit dhe madje mbulon arkivolin duke hedhur dhe me duar, teksa refuzon të përdorë lopatën.
Koreja e Veriut po përjeton një periudhë të rëndë në pandemisë koronavirus, me mbi 2 milionë raste të dyshuara dhe dhjetwra viktima. Vendi komunist ka një mungesë të theksuar të medikamenteve anti-virale dhe është totalisht i pavaksinuar.
o.j/dita
