Presidenti i Serbisë, Aleksandër Vuçiç, do të jetë pjesë e Forumit Ekonomik Botëror, që po mbahet në Davos të Zvicrës.
Kështu të paktën njoftojnë agjencia e lajmeve serbe, Tanjug, të martën e 24 majit.
Gjatë forumit, Vuçiç, do të ketë edhe takime dypalëshe me zyrtarë shtetërorë dhe përfaqësues të ndryshëm të institucioneve financiare.
Por, një ndër ngjarjet kryesore në margjinat e forumit do të jetë paneli me temën “Dialogu Diplomatik për Ballkanin Perëndimor”, në të cilën pjesëmarrës përveç Vuçiç do të jetë edhe Kryeministri i Kosovës, Albin Kurti, i cili pas përfundimit të vizitës së tij 16 ditore në Shtetet e Bashkuara të Amerikës ka udhëtuar për në Zvicër për të qenë pjesëmarrës në Forumin Ekonomik Botëror.
a.m/dita
