Kryetarja e Komisionit të Ligjeve, Klotilda Bushka akuzoi ditën e sotme deputetin e Partisë Demokratike, Gazment Bardhin për vrasjen në Elbasan.
Gjatë Komisionit të Ligjeve, Bushka i kërkoi Bardhit që të mos gjejë të meta te Partia Socialiste për të cilën akoma thotë se nuk kanë fituar zgjedhjet edhe pas vendimit të KQZ-së.
Bardhi iu përgjigj duke i thënë se ai nuk merret me organizata kriminale.
Debati:
Bardhi: Depolitizimi i administratës nuk është pjesë e qeverisë tuaj?
Bushka: Juve në çdo argument thoni se PS nuk i ka fituar zgjedhjet.
Bardhi: Po kush ta ka mësuar ty këtë moj?
Bushka: Vetë thua tani që ka një hetim dhe i kërkon përgjigje.
Bardhi: Kush ta ka mësuar këtë Klod?
Bushka: Ata që ta kanë mësuar ty Gazi, ne jemi shumë ndryshe. Kur bëni pyetje përmbajuni rendit të ditës. Shihni për çfarë e keni zonjën përballë, që ne i kemi fituar zgjedhjet e ka thënë KQZ, tani s’keni çfarë bëni dhe thoni është çështja në hetim dhe kërkon mendim.
Bardhi: Ne jemi ndryshe se nuk marrim organizata kriminale në fushatë.
Bushka: Sa për grupet kriminale nuk kam qënë në zonë kur më është vrarë dikush. Ty të është vrarë dikush në zonën tuaj.
Bardhi: Bandat tuaja.
Bushka: Unë s’kam asnjë bandë si ju.
j.l./ dita
