Elvin Gogaj dhe Alfred Shehu, të dy prokurorë të Prokurorisë së Posaçme Kundër Korrupsionit dhe krimit të Organizuar janë pezulluar nga detyra.
Mësohet se Gjykata ka pranuar ankimimin e prokurores Sonila Muhametaj.
Kjo e fundit ishte në garë me Gogajn e Shehun, por nuk u përzgjodh dhe pretendon se renditja e kandidatëve është bërë në mënyrë të padrejtë.
Gjykata ia ka pranuar ankimin dhe ka theksuar se vendimi i Këshillit të Lartë të Prokurorisë nuk është dhënë duke ndjekur procedurat e rregullta.
Për rrjedhojë është shpallur e pavlefshme renditja e garuesve dhe emërimi i dy prokurorëve.
j.l./ dita
