Për shkak të embargos së naftës të rënë dakord nga anëtarët e Bashkimit Evropian, Rusia do të humbasë rreth 10 miliardë dollarë në vit. Lajmi u raportua nga kompania “Bloomberg”.
Sipas llogaritjeve të botimit amerikan, rreth dy të tretat e importeve të naftës ruse vijnë nga dërgesat në det të hapur.
Sapo të vendoset embargoja, Rusia do të humbasë deri në 10 miliardë dollarë në vit nga të ardhurat e humbura nga eksporti.
Kjo, për shkak se ndalimi do ta detyrojë Rusinë të shesë naftën e saj me ulje në Azi, ku tashmë është rreth 34 dollarë për fuçi më e lirë se çmimet “Brent”.
Presidenti i Këshillit Evropian Charles Michel deklaroi më herët se liderët e vendeve të BE-së kanë arritur një marrëveshje për ndalimin e eksportit të naftës ruse.
“Marrëveshja për ndalimin e eksportit të naftës ruse në BE. Ajo mbulon më shumë se 2/3 e importeve të naftës nga Rusia, duke reduktuar një burim të madh financimi për makinën e saj të luftës. Presion maksimal ndaj Rusisë për t’i dhënë fund luftës”, shkroi ai.
Sanksionet e reja kundër Rusisë përfshinin gjithashtu një ndalim të tre transmetuesve shtetërorë rusë.
Paketa e gjashtë parashikon edhe shkëputjen e bankës më të madhe ruse Sberbank nga sistemi SWIFT.
a.m/dita
