Albania
This article was added by the user . TheWorldNews is not responsible for the content of the platform.

FOKUS – Pandemia nuk ngadalësoi shitjet globale të armëve

STOKHOLM, 6 dhjetor /ATSH-DPA/ – Industria globale e mbrojtjes rriti më tej shitjet e armëve vitin e kaluar, pavarësisht nga pandemia e koronavirusit dhe pasojat e saj ekonomike, sipas të dhënave të publikuara sot.

”100 kompanitë kryesore të armëve në botë shitën armë dhe shërbime ushtarake me vlerë 531 miliardë dollarë në vitin 2020”, sipas Institutit Ndërkombëtar të Kërkimit të Paqes në Stokholm (SIPRI).

”Kjo ishte një rritje prej 1,3 për qind në terma realë krahasuar me një vit më parë, duke shënuar vitin e gjashtë radhazi të rritjes”, zbuloi SIPRI.

Shtetet e Bashkuara të Amerikës ruajtën vendin e parë, me 41 kompani në renditjen e 100 më të mirave.

Mes tyre, shitjet e tyre të armëve arritën në 285 miliardë dollarë në 2020 – një rritje prej 1,9 për qind nga viti në vit.

Kina doli e dyta, me pesë kompanitë e saj të listuara në mesin e 100 më të mirave që arritën rreth 66,8 miliardë euro shitje ose 1,5 për qind më shumë se në 2019./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.